Bakıda vəsiqəsi olmadan moto sürən gənc qadın ağır qəza törətdi - VİDEO - FOTO

Bu gün gecə saat 00:20 radələrində Bakının 8 Noyabr prospektində - “Megafon” əyləncə mərkəzinin qarşısında ağır yol-nəqliyyat hadisəsi baş verib. Dövlət nömrə nişanı 99-K-846 olan motosikletin iştirakı ilə qeydə alınan hadisə zamanı motosikletdə sürücüdən başqa sərnişin də olub. 

Şahidlərin Avtosfer.az-a verdiyi məlumata görə, yüksək sürətlə hərəkət edən 21 yaşlı sürücü Sevil Soltanova idarəetməni itirərək qəza törədib.

Məlum olub ki, xanım sürücü məhkəmə qərarı ilə sürücülük hüququndan məhrum edilib. Lakin S.Soltanova sürücülük hüququ olmadan nəqliyyat vasitəsini idarə etməyə davam edirmiş. Bildirilir ki, o, kameraların nəzarətindən yayınmaq məqsədilə motosikletin dövlət nömrə nişanının çipini çıxararaq sərbəst şəkildə şəhər daxilində hərəkət edir.

Faktla bağlı araşdırma aparılır. 

Eltac