Bərdədə yol qəzası olub, xəsarət alanlar var

Bərdə rayonunda ağır yol-nəqliyyat hadisəsi baş verib. Avtosfer.az-ın "Report"a istinadən verdiyi məlumata görə, hadisə Yevlax-Bəhrəmtəpə avtomobil yolunun rayonun Mehdili kəndi ərazisindən keçən hissəsində qeydə alınıb. Hadisə zamanı iki "VAZ-2107" markalı avtomobil toqquşub.  Hadisə nəticəsində iki nəfər, Ağcabədi rayon sakinləri - 1968-cu il təvəllüdlü Böyükağa Ağakişiyev və 1989-cu il təvəllüdlü Sənan Həsənov müxtəlif dərəcəli bədən xəsarətləri alıb. Yaralılar Bərdə Rayon Mərkəzi Xəstəxanasına çatdırılıb.  Faktla bağlı araşdırmalara başlanılıb.