Biləsuvarda yol qəzası baş verib, xəsarət alan var

Biləsuvarda bir nəfərin xəsarət alması ilə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə şəhərin mərkəzi küçələrinin birində qeydə alınıb. Belə ki, "Mercedes" markalı avtomobil "VAZ-2106" markalı avtomobilə çırpılıb. Nəticədə "Mercedes"də olan sərnişin, 1995-ci il təvəllüdlü Aygün İsmayılova müxtəlif bədən xəsarətləri alıb. Yaralı təcili tibbi yardım avtomobili ilə xəstəxanaya aparılıb. Faktla bağlı araşdırma aparılır.