Dəhşətli qatar qəzası: 320 sərnişin xəsarət alıb - VİDEO

Cənubi Afrika Respublikasında iki qatarın toqquşması nəticəsində azı 320 sərnişin xəsarət alıb. Avtosfer.az Azərtac-a istinadən xəbər verir ki, SABC teleradio kompaniyasının yaydığı məlumata görə, insident oktyabrın 5-nə keçən gecə Yohannesburq şəhərinin şərqində baş verib. Pretoriyaya gedən qatar Kempton-Park şəhərinin stansiyasında dayanan digər qatarla toqquşub. Dəmir yolu kompaniyasının nümayəndəsinin sözlərinə görə, yaralılardan 32-nin xəsarətləri ağır olsa da, onların həyatları üçün təhlükə yoxdur. CAR-ın Dəmir Yolunda Təhlükəsizlik İdarəsi hadisə ilə bağlı təhqiqat aparır və artıq bu gün ilkin nəticələri təqdim edəcək.