Dumanlı hava şəraiti qəzaya səbəb oldu: xəsarət alanlar var - Gədəbəydə

Gədəbəy rayonunda yol qəzası baş verib. Avtosfer.az-ın "Report"a istinadən məlumatına görə, hadisə rayonun Zəhmət kəndi ərazisində qeydə alınıb. Belə ki, "VAZ-2107" və "VAZ-2106" markalı avtomobillərin toqquşması nəticəsində 2003-cü il təvəllüdlü Bayram Yaşar oğlu İsmayılov və 1978-ci il təvəllüdlü Cabir Rasim oğlu Zeynalov müxtəlif dərəcəli bədən xəsarətləri alıblar. Onlar xəstəxanaya yerləşdiriliblər. Qəzaya dumanlı hava şəraitinin səbəb olduğu bildirilir. Faktla bağlı araşdırma aparılır.