Dünya çempionu avtomobil qəzasında həlak oldu

Ukraynalı idmançı armrestlinq üzrə dünya və Avropa çempionu Andrey Puşkar Rovnensk vilayətində avtomobil qəzasına düşüb. Avtosfer.az a24.az-a istinadən xəbər verir ki, Ukrayna polisi qəza nəticəsində idmançının həlak olduğunu bildirib. Qəza “Kiyev-Çop” yolunda baş verib. Rəsmi versiyaya əsasən, idmançı “Citroen” markalı avtomobilin sükanı arxasında olub və idarəetməni itirib. Bu zaman maşın qarşı zolağa çıxıb və yük maşını ilə toqquşub. Yük maşınının 30 yaşlı sürücüsü də ağır xəsarətlərlə xəstəxanaya yerləşdirilib. Eyni zamanda bildirilir ki, qəza zamanı başqa bir idmançı da ağır xəsarət alıb. Söhbət Ukraynanın əməkdar idmançısı, beynəlxalq dərəcədə idman ustası Oleq Joxdan gedir. Oleq koma vəziyyətindədir.