Ərdoğanın xidməti təyyarəsinin pilotu faciəvi şəkildə öldü - FOTO

Ərdoğanın xidməti təyyarəsinin pilotu yol qəzasında həlak olub. Avtosfer.az Azərtac-a istinadən bildirir ki, Türkiyə prezidenti Rəcəb Tayyib Ərdoğanın xidməti təyyarəsinə pilotluq edən Sərdar Halil Girgin yol-nəqliyyat hadisəsində həlak olub. O, Zonguldakın Erəğli rayonunda idarə etdiyi motosikletlə qəzaya uğrayıb. Sərdar Halil Girgin 2013-cü ildə Sankt-Peterburq-Buenos-Ayres reysi ilə 16 saat fasiləsiz uçuş edib. "Boeing 777" təyyarəsi ilə həyata keçirilən bu səfər Türk Hava Yollarının tarixində uzunmüddətli uçuş kimi rekord qazanıb.