Gədəbəy sakinini naməlum avtomobil vurub öldürdü, sürücü qaçdı

Şəmkirdə piyadanı vurub öldürən naməlum avtomobil hadisə yerindən qaçıb. Avtosfer.az-ın Trend-ə istinadən məlumatına görə, hadisə Bakı-Qazax-Gürcüstan sərhədi avtomobil yolunun 394-cü kilometrliyində, Şəmkir rayonunun Muxtariyyət kəndindən keçən hissəsində baş verib. Həmin ərazidə yolu keçən Gədəbəy rayon sakini, 1978-ci il təvəllüdlü Səfərov Zahir İbrahim oğlunu naməlum avtomobil vuraraq qaçıb. Z.Səfərov aldığı xəsarətlərdən hadisə yerində dünyasını dəyişib. Faktla bağlı araşdırma aparılır.