Hacıqabulda avtomobil qəzası: 3 yaralı

Hacıqabul rayonunda baş verən avtoqəzada 3 nəfər xəsarət alıb. Avtosfer.az-ın “Report”a istinadən məlumatına görə, hadisə Bakı-Qazax magistralının Hacıqabul rayonunun Atbulaq qəsəbəsindən keçən hissəsində qeydə alınıb. “Mercedes” markalı avtomobilin yoldan çıxaraq aşaması nəticəsində 3 nəfər ağır xəsarət alıb. Xəsarət alan şəxslərdən biri Bakı şəhərinə, digər 2 nəfər Şirvan şəhər xəstəxanasına yerləşdirilib. Hadisə yerinə FHN-in n xilasediciləri cəlb edilib, avtomobildə sıxılmış yaralı sərnişin xüsusi avadanlığın köməyi ilə çıxararaq təcili yardım xidmətinə təhvil verilib. Xəsarət alan şəxslərin adları dəqiqləşdirilir. Faktla bağlı araşdırma aparılır.