Helikopter qəzaya uğrayıb: ÖLƏNLƏR VAR - Bu ölkədə

Kanadanın Kvebek əyalətində helikopterin qəzaya uğraması nəticəsində göyərtədə olan 4 nəfərin hamısı həyatını itirib.

Avtosfer.az xəbər verir ki, bu barədə CBC telekanalı hüquq-mühafizə orqanlarına istinadən məlumat yayıb.

Qəza sentyabrın 26-da axşam Monreal şəhərindən 55 kilometr məsafədə baş verib. Hadisə yerində baş verən yanğın söndürülüb.

Polis hələlik qəzanın səbəbləri, hava gəmisinin sahibi və ölən şəxslərin kimliyi barədə məlumat verə bilməyib.