İçərisində 12 miqrantın olduğu avtomobil aşıb

Yunanıstanın şimalından keçən Kavala-Saloniki yolunda içərisində 12 qeyri-qanuni miqrantın olduğu avtomobil aşaraq yanıb. Avtosfer.az Azərtac-a istinadən xəbər verir ki, sürücü yol polisinin “dayan” əmrinə tabe olmayaraq yüksək sürətlə hərəkəti davam etdirib. Qəza nəticəsində avtomobildəki pakistanlı və somalili miqrantlar müxtəlif xəsarətlər alıblar. Qeyd edək ki, Yunanıstanda qaçqın düşərgələrində yerlərin olmaması, sərhədlərə nəzarətin güclənməsi nəticəsində ölkəyə gəlmək istəyən miqrantlar müxtəlif qeyri-qanuni yollardan istifadə edirlər.