İki avtomobil toqquşdu: xəsarət alanlar var - Gəncədə

Gəncə şəhərində 4 nəfərin xəsarət alması ilə nəticələnən yol qəzası baş verib. Avtosfer.az-ın "Report"a istinadən verdiyi məlumata görə, hadisə şəhərin şərq girişində, Gəncə qala qapılarının yanında qeydə alınıb. Hərəkətdə olan "Hyundai" markalı minik avtomobili ilə digər avtomobilin toqquşması nəticəsində 4 nəfər xəsarət alaraq xəstəxanaya yerləşdirilib. Qəzanın başvermə səbəbləri və yaralıların kimlikləri dəqiqləşdirilir. Faktla bağlı araşdırma aparılır.