İki maşın toqquşdu: 1 ağır yaralı - Astarada

Astara rayonunda yol qəzası nəticəsində bir nəfər ağır xəsarət alıb. Avtosfer.az-ın "Report"a istinadən məlumatına görə, Təngərüd kəndi ərazisində "VAZ-2107" markalı minik avtomobili "QAZ-24" markalı avtomobillə toqquşub. Nəticədə taksi fəaliyyəti ilə məşğul olan 1996-cı il təvəllüdlü Qasımov Namik Sərdar oğlu ağır bədən xəsarətləri alıb. Lənkəran Rayon Mərkəzi Xəstəxanasına çatdırılan N.Qasımova ilkin tibbi yardım göstərilərək yaraları tikilib və o, Reanimasiya şöbəsinə yerləşdirilib. Faktla bağlı araşdırma aparılır.