İran gəmisi Xəzər dənizində batdı

Xəzər dənizinin İran sahillərində ticarət gəmisi batıb. “Qafqazinfo” “RİA Novosti”yə istinadən xəbər verir ki, hazırda İranın hərbi-dəniz qüvvələri ekipaj üzvlərinin xilası üçün axtarışlara başlayıb. Məlumata görə, bir neçə saat əvvəl gəmidə dəlik yaranması və su dolması ilə bağlı xəbərdarlıq edilib. Gəmi daha sonra tədricən suyun altına enməyə başlayıb.