İranda avtobus qəzası: 10 ölü, 26 yaralı

İranın paytaxtı Tehranda tələbələri daşıyan avtobusun qəzaya uğraması nəticəsində azı 10 nəfər həlak olub, 26 nəfər isə xəsarət alıb. Avtosfer.az Azərtac-a istinadən xəbər verir ki, qəza Tehran şəhərindəki Azad İslam Universitetinin Elmi-Tədqiqat Bölməsinin ərazisində baş verib. Avtobus yüksək sürətlə beton divara çırpılaraq aşıb. Yerli KİV-lərin məlumatına əsasən, qəzadan öncə sürücüdə ürəktutması olub. Bu versiya hələlik rəsmi təsdiqini tapmayıb. Hadisə ilə bağlı təhqiqat davam edir.