İki qatarın relsdən çıxması nəticəsində ölənlərin sayı artdı

İspaniyada iki sürət qatarının relsdən çıxaraq toqquşması nəticəsində ölənlərin sayı 41-ə çatıb.

Avtosfer.az-ın məlumatına görə, bu barədə EFE agentliyi məlumat verib.

Qeyd edək ki, daha əvvəl ölənlərin sayının 39 olduğu bildirilirdi. Qatar qəzasının baş verdiyi yerdə axtarış əməliyyatları hələ də davam edir.

Xatırladaq ki, qəza yanvarın 18-də Adamus şəhəri yaxınlığında (Əndəlüs muxtar icması) baş verib. Malaqadan Madridə gedən təxminən 300 nəfəri daşıyan qatar relsdən çıxıb və Madriddən Huelvaya gedən qatarın hərəkət etdiyi yola çıxıb. Nəticədə qatarlar toqquşub və ikinci qatar da relsdən çıxıb. Qəzanın səbəbi hələ məlum deyil.

Qəza ilə bağlı aparılan istintaq fəlakətin əsas səbəbi kimi, Madrid-Adamus dəmir yolunda relslərin vəziyyətinin pis olmasını diqqət mərkəzində saxlayır.