Kürdəmirdə yol qəzası olub, xəsarət alan var

Kürdəmir rayonunda yol-nəqliyyat hadisəsi baş verib.  Avtosfer.az-ın "Report"a istinadən məlumatına görə, hadisə Bakı-Qazax avtomobil yolunun rayonunun Atakişili kəndi ərazisindən keçən hissəsində qeydə alınıb.  Belə ki, Ağdam rayon sakini, 1984-ci il təvəllüdlü Ramin Əliağa oğlu Həsənovun idarə etdiyi "VAZ-2107" markalı minik avtomobili yol kənarındakı beton maneələrə çırpılıb. Nəticədə R.Həsənov müxtəlif dərəcəli bədən xəsarətləri ilə Kürdəmir Rayon Mərkəzi Xəstəxanasına yerləşdirilib.  Faktla bağlı araşdırma aparılır.