Mingəçevirdə yol qəzası: 2 yaralı

Mingəçevirdə idarəetmədən çıxan avtomobil hasara çırpılıb. Avtosfer.az "Report"a istinadən xəbər verir ki, hadisə rayonun Samux küçəsində baş verib. Belə ki, "VAZ 21015" markalı maşın idaretmədən çıxaraq yol kənarındakı sexin daş hasarına çırpılıb. Nəticədə şəhər sakinləri olan sürücü 1985-ci il təvəllüdlü Qazıxanov Mahir Sadəddin oğlu və sərnişin 1988-ci il təvəllüdlü Alıyev Anar Kamil oğlu müxtəlif dərəcəli bədən xəsarətləri alıb. Yaralılar xəstəxanaya yerləşdirilib. Faktla bağlı araşdırma aparılır.