Minik maşını yol kənarındakı dərəyə aşıb - Gədəbəydə

Gədəbəy rayonunda iki nəfərin xəsarət alması ilə nəticələn yol-nəqliyyat hadisəsi baş verib. Avtosfer.az-ın "Report"a istinadən məlumatına görə, rayonun 1968-ci il təvəllüdlü Köhnə Qışlaq kənd sakini Hüseynov Akif Fərhad oğlunun idarə etdiyi minik avtomobili idarəetmədən çıxaraq yol kənarındakı dərəyə aşıb. Nəticədə sürücü və onun maşında olan 1975-ci il təvəllüdlü qardaşı Hüseynov Rakif Fərhad oğlu müxtəlif bədən xəsarətləri alaraq Gədəbəy Rayon Mərkəzi Xəstəxanasına yerləşdirilib. Hər iki yaralının vəziyyəti orta-ağırdır. Faktla bağlı araşdırma aparılır.