Minik və yük maşınları toqquşdu: xəsarət alan var - Kürdəmirdə

Kürdəmir rayonunda yol qəzası baş verib. Avtosfer.az-ın "Report"a istinadən məlumatına görə, hadisə Bakı-Qazax avtomobil yolunun rayonun Karrar qəsəbəsi ərazisindən keçən hissəsində qeydə alınıb.  Belə ki, Bakı şəhər sakini, 1970-ci il təvəllüdlü Əhliman Ənvər oğlu Ömərovun idarə etdiyi "VAZ-21214" markalı minik avtomobili "İsuzu" markalı yük maşınına çırpılıb. Nəticədə Ə.Ömərov müxtəlif dərəcəli bədən xəsarətləri ilə Kürdəmir Rayon Mərkəzi Xəstəxanasına yerləşdirilib. Faktla bağlı araşdırma aparılır.