“MiQ-29” qırıcı təyyarəsi qəzaya uğrayıb - Moskva vilayətində

Moskva vilayətində M.M.Qromov adına Uçuş-Tədqiqat İnstitutuna məxsus “MiQ-29” qırıcı təyyarəsi qəzaya uğrayıb. Avtosfer.az Azərtac-a istinadən xəbər verir ki, helikopter Dmitrovskoye kəndi yaxınlığında meşədə yerə çırpılıb. Helikopterin hər iki pilotu katapultla tullanmağa macal tapıb. Pilotlardan biri hazırda Jukovski şəhər xəstəxanasının reanimasiya bölməsindədir. Onun həyatı üçün təhlükə yoxdur. Bildirilir ki, təyyarə təlim-məşq uçuşu keçirərkən idarəetmə sistemində nasazlıq yaranması güman edilir. Hadisə ilə əlaqədar xüsusi təhqiqat komissiyası yaradılıb.