Misirdə yol qəzasında 5 nəfər həlak olub

Misirdə avtobusla mikroavtobusun toqquşması nəticəsində 5 nəfərin həlak olduğu, 12 sərnişinin isə yaralandığı bildirilir. Avtosfer.az Azərtac-a istinadən xəbər verir ki, yol-nəqliyyat hadisəsi Asuan əyalətinin Abusmel məntəqəsi yaxınlığındakı ərazidə baş verib. Qəzanın səbəblərini araşdırmaq və yaralılara yardım etmək üçün qəza yerinə avtomobil müfəttişliyinin əməkdaşları və təcili tibbi yarım maşınları göndərilib. Xəsarət alanlar yaxınlıqdakı xəstəxanalara çatdırılıb.