“Mitsubishi” ilə toqquşan “Niva” aşdı – Vətəndaşlar köməyə çatdı - VİDEO

Bakı-Şamaxı-İsmayıllı yolunda yol-nəqliyyat hadisəsi baş verib.

Avtosfer.az-ın məlumatına görə, qəza avqustun 11-də səhər saatlarında qeydə alınıb.

İlkin məlumata əsasən, hərəkətdə olan “Mitsubishi” markalı avtomobil “VAZ-2121” (“Niva”) markalı minik vasitəsi ilə toqquşub. Zərbənin təsirindən “Niva” aşıb.

Hadisə nəticəsində xəsarət alan olmasa da, hər iki nəqliyyat vasitəsinə maddi ziyan dəyib.

Qəzadan sonra aşan avtomobil ərazidə olan vətəndaşlar və yoldan keçən sürücülərin köməyi ilə yenidən təkərləri üzərinə qaldırılıb.

Faktla bağlı araşdırma aparılır.

Nərmin