Motosiklet aşdı: 2 nəfər xəsarət alıb - İmişlidə

İmişli rayonunda xəsarətlə nəticələnən yol-nəqliyyat hadisəsi baş verib. Avtosfer.az-ın “Report”a istinadən məlumatına görə, Qaragüvəndikli kəndində motosikletin yoldan çıxaraq aşması nəticəsində yerli sakinlər - 1965-ci il təvəllüdlü Həsənov Mirələm Həsən oğlu və 1977-ci il təvəllüdlü Tağıyev Fəzail Nəriman oğlu müxtəlif dərəcəli xəsarətlər alaraq İmişli Rayon Xəstəxanasına yerləşdirilib. Faktla bağlı araşdırma aparılır.