Müdafiə Nazirliyinin əməkdaşı qəza törətdi: 3 yaralı

Ermənistan Müdafiə Nazirliyinin tərkibindəki Hərbi Polisin əməkdaşlarının iştirakı ilə baş vermiş yol-nəqliyyat hadisəsi nəticəsində 3 nəfər yaralanıb. Avtosfer.az “Report”a istinadən xəbər verir ki, hadisə Yerevan-Sevan-İcevan avtomobil yolunda olub. Bildirilib ki, hərbi polisin əməkdaşının idarə etdiyi “Mercedes” markalı avtomobil çaya düşüb. Yaralı halda olan sürücü, avtomobilin sərnişinləri - Açacur kəndinin 23 yaşlı sakini Araikl və 26 yaşlı icevanlı Karen T. xəstəxanaya yerləşdirilib. Onların üçü də Ermənistan Müdafiə Nazirliyi Hərbi Polisinin əməkdaşlarıdır. Hadisə ilə bağlı araşdırma aparılır.