Oğuzda yol qəzası olub, xəsarət alan var

Oğuzda xəsarətlə nəticələnən yol qəzası olub. Avtosfer.az-ın “Report”a istinadən məlumatına görə, hadisə Bayan kəndi ərazisində baş verib. Rayonun Kərimli kənd sakini, 1995-ci il təvəllüdlü Elnur Azər oğlu Abdullayev minik avtomobili ilə hərəkətdə olarkən nəqliyyat vasitəsinə idarəetməni itirib. Nəticədə avtomobil yolun kənarındakı ağaca çırpıb. Qəza zamanı sürücü xəsarət alıb. O, Şəki Rayon Mərkəzi Xəstəxanasına aparılıb. Xəstəxanadan “Report”a bildirlib ki, E.Abdullayevə qarın boşluğunun qapalı küt travması qoyulub.  Yaralının müalicəsi xəstəxananın Cərrahiyə şöbəsində aparılır, onun vəziyyəti orta-ağır qiymətləndirlir. Faktla bağlı araşdırma aparılır.