Piyadanı vuraraq öldürən sürücünün ibtidai istintaqı başa çatıb

Bakıda avtobusla yolu keçən piyadanı vuraraq öldürməkdə təqsirləndirilən Cəmil İsmayılovun cinayət işi üzrə ibtidai istintaq başa çatıb. Avtosfer.az "Report"a istinadən xəbər verir ki, cinayət işi baxılması üçün Suraxanı Rayon Məhkəməsinə göndərilib. Cinayət işi hakim Ramil Həsənovun icraatına verilib. Məhkəmənin hazırlıq iclasının vaxtı hələlik açıqlanmayıb. Qeyd edək ki, hadisə bu il sentyabrın 14-də Suraxanı rayonunun Hövsan qəsəbəsi ərazisində baş verib. Qəsəbə sakini C.İsmayılov idarə etdiyi "Daewoo” markalı xətt avtobusu ilə yolu keçən həmyerlisi Əlövsət Alıyevi vurub. Nəticədə piyada hadisə yerində ölüb.