Qapıçı avtomobil qəzasında ailə üzvləri ilə birgə ölüb

Belarusun "Vitebsk" futbol komandasının qapıçısı Andrey Şerbakov həyat yoldaşı və uşağı ilə birgə avtomobil qəzasında ölüb. Avtosfer.az-ın "Report"a istinadən məlumatına görə, 27 yaşlı qolkiperin avtomobili yolda əks zolağa çıxaraq, evakuatora çırpılıb. Nəticədə futbolçu, həyat yoldaşı və 6 yaşlı oğlu yerindəcə keçinib. Şerbakovu hadisə vaxtı maşında olan digər övladı sağ qalıb. Hazırda o, xəstəxanadadır. Qeyd edək ki, Andrey Şerbakov karyerası ərzində BATE və Belarusun U-21 yığmasında da forma geyinib.