Qubada ağır yol qəzası: 3 yaralı

Quba rayonunda ağır yol-nəqliyyat hadisəsi baş verib. Avtosfer.az-ın "Report"a istinadən verdiyi məlumata görə, Quba-Qusar yolunun rayonun Qırmızı Qəsəbə ərazisindən keçən hissəsində "MAN" markalı yük avtomobili qarşıdan gələn "Lada-Priora" markalı minik avtomobilinin üstünə çıxıb. Hadisə nəticəsində "Lada" markalı avtomobilin sürücüsü və avtomobildə olan sərnişinlər ağır dərəcəli bədən xəsarətləri alıb. İlkin məlumata görə, 1-i qadın olmaqla 3 nəfər xəsarət alıb. Hadisə yerinə Təcili Tibbi Yardım Stansiyasının həkim briqadası cəlb olunub. Yaralılar Quba Mərkəzi Rayon Xəstəxanasına yerləşdirilib. Vəziyyətləri ağır qiymətləndirilir. Faktla bağlı araşdırma aparılır.