Rusiyada helikopter qəza enişi etdi

Rusiyanın Tver vilayətində mülki Mi-8T helikopteri təcili qəza enişi edib. 

Avtosfer.az xəbər verir ki, bu barədə Rusiya mətbuatı yazıb. 

Regional nəqliyyat prokurorluğu insidentin səbəbini açıqlayıb. Qeyd olunub ki, içində 6 nəfərin olduğu helikopterin mühərrikinə quş girib. 

İtkilərin olmadığı vurğulanıb. Dəymiş ziyanla bağlı məlumat dəqiqləşdirilir. Hadisənin başvermə şəraiti prokurorluq tərəfindən müəyyən edilir.