Saatlıda baş vermiş qəzada ata və oğlu ölüb

Gecə saatlarında Saatlı rayonunun Bəylik kəndində yol qəzası nəticəsində ölənlərin şəxsiyyəti məlum olub. Avtosfer.az-ın “Report”a istinadən məlumatına görə, bunlar 1984-cü il təvəllüdlü Bakı sakini Qəmbərov Şamo Səlamət oğlu və 1 yaşlı oğlu Rauf Qəmbərovdur. Hadisə Ş.Qəmbərovun idarə etdiyi “Opel” markalı avtomobilin yol kənarındakı dirəyə çırpılması nəticəsində baş verib.

***02:13

Saatlıda ölümlə nəticələnən yol-nəqliyyat hadisəsi baş verib.  Hadisə Bəylik kəndinin ərazisində qeydə alınıb. "Opel" markalı avtomobilin aşması nəticəsində 2 nəfər hadisə yerində ölüb. Hazırda ölənlərin kimliyi və hadisənin təfərrüatları aydınlaşdırılır. Faktla bağlı ərazidə hüquq-mühafizə orqanlarının əməkdaşları tərəfindən araşdırma aparılır.