Salyanda sərxoş piyadanı maşın vurdu - FOTO

Bu gün axşam saatlarında Ələt-Astara avtomobil yolunun Salyan rayonunun Yenikənd kəndindən keçən 38-ci kilometrində piyadanın vurulması ilə nəticələnən yol-nəqliyyat hadisəsi baş verib. Avtosfer.az virtualaz.org-a istinadən məlumatına görə, toydan sərxoş vəziyyətdə avtomobil yolu ilə piyada qayıdan Yenikənd kənd sakini, 47 yaşlı Məqsəd Əlimeydan oğlu Əsədovu həmkəndlisi 34 yaşlı Elvin Gülbala oğlu Əsədovun idarə etdiyi 38 BA 264 dövlət nömrə nişanlı QAZ-24 markalı minik maşını vurub. Məqsəd Əsədov müxtəlif dərəcəli əxsarətlər aldığından Salyan Rayon Mərkəzi Xəstəxanasına yerləşdirilib. Kənd sakinləri onun bir vaxtlar kənd məktəbində müəllim işlədiyini, sonralar içkiyə qurşandığı üçün müəllimlikdən çıxarıldığını deyirlər. Faktla bağlı araşdırma aparılır.