Səmada 2 təyyarə toqquşdu: 1 ölü

Kanadanın paytaxtı Ottavada 2 təyyarə toqquşub. Avtosfer.az-ın Trend-ə istinadən məlumatına görə, yerli vaxtla saat 10:00-da baş verən insident nəticəsində təyyarələrdən biri qəzaya uğrayıb, digəri isə Ottavanın hava limanına geri dönüb və uğurlu eniş edib. Qəzaya uğrayan təyyarədə yalnız pilot olub və o, qəza nəticəsində həlak olub. Digər təyyarənin göyərtəsində 2 nəfər olub, onlar toqquşma nəticəsində xəsarət almayıblar.