Şirkət maşını kanala düşdü: 3 işçi xəsarət aldı - FOTO

Bu gün axşam saatlarında Salyan-Sabirabad-Şirvan arasındakı yolun Salyan rayonunun Noxudlu kəndindən keçən hissəsində üç nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az virtualaz.org-a istinadən məlumatına görə, “AZENCO” şirkətinə məxsus 90 JT 213 dövlət nömrə nişanlı “UAZ” markalı kiçik tonnajlı yük maşınının idarəetməni itirərək yolun kənarındakı sor su kollektoruna düşməsi nəticəsində şirkətin işçiləri-Tovuz rayon sakini, 52 yaşlı Mübariz İlyas oğlu Həsənov, Abşeron rayon sakini, 24 yaşlı Teymur Mehman oğlu Teymurzadə və Tovuz rayon sakini, 20 yaşlı Namiq Cəlil oğlu Qasımov müxtəlif dərəcəli bədən xəsarətləri aldıqlarından Salyan Mərkəzi Rayon Xəstəxanasına yerləşdiriliblər. Faktla bağlı araşdırma aparılır.