Sumqayıtda avtomobil əvvəl piyadanı, daha sonra digər maşını vurdu - FOTO - YENİLƏNİB

Sumqayıt şəhəri Heydər Əliyev prospektində baş verən yol-nəqliyyat hadisəsinin detalları məlum olub.

Avtosfer.az oxu.az-a istinadən xəbər verir ki, Əsgər Almasovun idarə etdiyi "Opel" markalı avtomobil piyada keçidində dayanaraq piyadaya yol verən zaman, arxadan gələn Cahid Ağayevin idarə etdiyi "Toyota" markalı avtomobil ara məsafəsini gözləmədiyi üçün "Opel"ə çırpılıb. Zərbənin təsirindən "Opel" piyada keçidindən keçən şəxsi vurub.

Faktla bağlı polis əməkdaşları tərəfindən araşdırma aparılır.

***15:45
Sumqayıt şəhəri Heydər Əliyev prospektində piyadavurma hadisəsi qeydə alınıb.

Avtosfer.az oxu.az-a istinadən xəbər verir ki, "Opel Astra" markalı, 90-TJ-149 dövlət nömrə nişanlı avtomobil qarşısına çıxan piyadanı (qadın cinsli) vurub. Daha sonra isə avtomobili geriyə doğru hərəkət etdirərək "Toyota Land Cruiser" markalı 90-SM-205 dövlət nömrə nişanlı avtomobili əzib.

İlkin məlumata görə, baş hissəsindən xəsarət alan piyada dərhal xəstəxanaya yerləşdirilib.

Faktla bağlı araşdırma aparılır.