Sumqayıtda qatar "KamAZ"la toqquşdu - YENİLƏNİB

Sumqayıtda qatarın "KamAz"la toqquşması hadisəsinin bəzi təfərrüatı məlum olub.

Avtosfer.az xəbər verir ki, barədə Oxu.Az-ın sorğusuna cavab olaraq "Azərbaycan Dəmir Yolları" QSC-dən məlumat verilib.

Bildirilib ki, bu gün Bakı-Quba avtomobil yolunda avtokran dəmiryol keçidi ilə bağlı qaydaları pozaraq hərəkətdə olan teplovozun qarşısına çıxıb.

"Maşinist təcili tormozlama aparsa da, məsafə az olduğundan toqquşma qaçılmaz olub. Hadisə ilə bağlı araşdırma aparılır. ADY bir daha hərəkət iştirakçılarını dəmiryol keçidlərinə yaxınlaşarkən son dərəcə diqqətli olmağa, yolun qatardan boş olduğuna əmin olduqdan sonra hərəkəti davam etdirməyə, yol hərəkəti qaydalarına əməl etməyə çağırır".

***

Sumqayıt şəhərində qatar "KamAZ"la toqquşub.

Avtosfer.az "Report"a istinadla xəbər verir ki, hadisə Bakı-Quba yolununun Sumqayıt şəhərindən keçən hissəsində baş verib.

Hərəkətdə olan qatarla "KamAZ" markalı yük avtomobili toqquşması nəticəsində yük maşını aşıb, nəqliyyat vasitəsinə ciddi ziyan dəyib.

Hadisə yerinə hüquq-mühafizə orqanlarının əməkdaşları cəlb olunublar.

Faktla bağlı araşdırma aparılır.