Sumqayıtda zəncirvari qəza: Üç avtomobil toqquşdu, xəsarət alanlar var - FOTO

Sumqayıt şəhərində ağır yol-nəqliyyat hadisəsi baş verib.

Avtosfer.az "Report"a istinadla xəbər verir ki, hadisə şəhərin Sülh prospektində qeydə alınıb.

Qəza zamanı KIA, "Mercedes" və "Toyota" markalı minik avtomobilləri toqquşub. İlkin məlumata görə, hadisə nəticəsində xəsarət alanlar var.

Əraziyə dərhal polis əməkdaşları cəlb olunublar. Hadisə yerində təhlükəsizlik tədbirləri görülüb və nəqliyyatın hərəkəti tənzimlənib.

Faktla bağlı araşdırma aparılır.