Sumqayıtdakı qəzada xəsarət alan şəxsin vəziyyəti məlum oldu - FOTO

Sumqayıt şəhərində baş verən yol-nəqliyyat hadisəsi zamanı xəsarət alan şəxsin vəziyyəti açıqlanıb.

Avtosfer.az-ın məlumatına görə, oxu.az-a Tibbi Ərazi Bölmələrini İdarəetmə Birliyindən (TƏBİB) verilən məlumatda bildirilib ki, iyulun 6-da saat 21:30-da Sumqayıt şəhərində baş verən yol-nəqliyyat hadisəsi səbəbi ilə 1977-ci il təvəllüdlü şəxs (qadın) Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub.

"Sol diz oynağının və döş qəfəsinin küt travması diaqnozları təyin edilən pasiyentə zəruri tibbi xidmətlər göstərilib. Vəziyyəti qənaətbəxş qiymətləndirilən şəxs ambulator müalicə üçün evə buraxılıb", - deyə məlumatda bildirilib.