Sürücü 56 yaşlı qadını vuraraq hadisə yerindən qaçıb - Cəlilabadda

Cəlilabadda piyadanın vurulması ilə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə Göytəpə şəhəri ərazisində qeydə alınıb. Rayonun Privolnoye kənd sakini, 1962-ci il təvəllüdlü Gülmirzəyeva Xanım Qurbanəli qızı müəyyən edilməmiş avtomobil ilə vurulub. Yaralı müxtəlif xəsarətlərlə xəstəxanaya yerləşdirilib. Məlumata görə, sürücü qəzadan sonra hadisə yerindən qaçıb. Faktla bağlı araşdırma aparılır.