Sürücü piyadanı vuraraq hadisə yerindən qaçıb - Yevlaxda

Yevlaxda sürücü piyadanı vuraraq hadisə yerindən qaçıb. Avtosfer.az-ın "Report"a istinadən məlumatına görə, hadisə şəhərin Nizami küçəsində qeydə alınıb. Sabirabad rayon sakini, 1987-ci il təvəllüdlü Natiq Əmiraslanovu naməlum avtomobil vurub. Qəzanı törədən avtomobilin sürücüsü hadisə yerindən uzaqlaşıb. Müxtəlif bədən xəsarətləri alan piyada xəstəxanaya yerləşdirilib. N.Əmiraslanovun vəziyyətinin orta-ağır olduğu bildirilir. Faktla bağlı araşdırma aparılır.