Təkəri partlayan avtomobil aşaraq piyadanı vurub - Yevlaxda

Yevlax rayonunda ağır yol-nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə rayonun Aşağı Salamabad kəndində qeydə alınıb.  Belə ki, "VAZ-21014" markalı avtomobil hərəkətdə olan zaman şini partlayıb. Nəticədə sürücü idarəetməni itirərək avtomobili aşıraraq yol kənarında dayanan piyada,1960-cı il təvəllüdlü Elşən Vaqif oğlu Israfilovu vurub. Müxtəlif bədən xəsarətləri alan piyada xəstəxanaya yerləşdirilib. Vəziyyətinin orta-ağır olduğu bildirilir. Faktla bağlı araşdırma aparılır.