Tələbələrini aparan avtobus aşdı: 7 ölü, 28 yaralı

Bu gün saat 12:00 radələrində Tehranın Elmlər və Araşdırmalar Universitetinin tələbələrini aparan avtobus aşıb. Trend-in məlumatına görə, qəza nəticəsində 7 nəfərin öldüyü, daha 28 nəfərin yaralandığı bildirilir. Hadisə ilə bağlı İran KİV-ə açıqlama verən Tehran Təcili Yardım Mərkəzinin rəisi Peyman Sabirian bildirib ki, hadisə yerinə 10-a yaxın təcili yardım maşını cəlb olunub. Onun sözlərinə görə, hadisə Tehranın Simon Bolivar prospektində baş verib.