Tərtərdə yol qəzası: sürücü ölüb - FOTO

Tərtər rayonunda ölümlə nəticələnən ağır yol-nəqliyyat hadisəsi baş verib. Avtosfer.az-ın "Report"a istinadən verdiyi məlumata görə, hadisə rayonun Sarıcalı kəndi ərazisində qeydə alınıb. Belə ki, Mingecevir şəhər sakini Sübhü Abbasovun idarə etdiyi "İSUZU" markalı yük maşını ilə "VAZ-21015" markalı avtomobili toqquşub. Nəticədə minik avtomobilinin sürücüsü, rayonun İrəvanlı kənd sakini, 1981-ci il təvəllüdlü Mahmudov Elcan Elburus oğlu hadisə yerində ölüb. Faktla bağlı araşdırma aparılır.