Təyyarə qəzası baş verdi: 1 ölü

ABŞ-da təyyarə qəzaya uğrayıb. Avtosfer.az-ın "Report"a istinadən məlumatına görə, bu barədə CBS xəbər verib. Bildirilir ki, hadisə Virciniya ştatında baş verib. Yüngül mühərrikli təyyarə Luiza dairəsinin hava limanında səmaya qalxdıqdan qısa müddət sonra yerə düşüb. Qəza nəticəsində 70 yaşlı pilot həlak olub. Təyyarədə pilotdan başqa heç kimin olmadığı bildirilir. Faktla bağlı təhqiqat aparılır.