Təyyarənin evin üstünə düşmə anı: 4 ölü, 3 yaralı - VİDEO

Təyyarənin evin üzərinə düşdüyü anların görüntüsü yayılıb. Avtosfer.az milli.az-a istinadən xəbər verir ki, tək mühərrikli təyyarənin evlərə çırpılması nəticəsində 4 nəfər ölüb, 3 nəfər xəsarət alıb. Hadisə Meksikanın Sinaloa ştatında, məşhur "Narcos" serialının çəkildiyi ərazilərdə baş verib. Ölənlərin 4-ü də təyyarədə olanlardır. Belə ki, adı açıqlanmayan pilot, pilot köməkçisi və 2 sərnişin qəzada həlak olub. Yaralananlar arasında qadın və uşaqlar da var. Uşaqlardan birinin 3 yaşı olub. Hadisə şahidlərinin dediyinə görə, təyyarə evlərin üstünə düşməzdən əvvəl elektrik kabellərinə dəyib.