Tibb bacısını maşın vurub

Gəncədə tibb bacısını avtomobil vurub. Avtosfer.az “qafqazinfo”ya istinadən xəbər verir ki, hadisə şəhərin Mirzə Abbas Abbaszadə küçəsində baş verib. Müharibə və Əmək Veteranları poliklinikasında tibb bacısı işləyən 1970-ci il təvəllüdlü Babayeva Sevda Nurəddin qızı yolu keçmək istəyən zaman maşın vurub. Xəsarət alan qadın sürücü tərəfindən xəstəxanaya aparılıb.  Hadisə ilə bağlı hüquq mühafizə orqanları tərəfindən araşdırma aparılır.