Tovuzda orta yaşlı kişini qatar vuraraq öldürüb – FOTO

Tovuz rayonunda qatarın altında qalaraq ölən şəxsin adı məlum olub. Avtosfer.az-ın "Report"a istinadən məlumatına görə, rayon sakini, 1981-ci il təvəllüdlü Nemət Rüfət oğlu Həsənov qatarın altında qalaraq ölüb. İlkin məlumatlara görə, hadisə ehtiyyatsızlıqdan baş verib. Araşdırmalar davam etdirilir.

***9:57

Tovuz rayonunda orta yaşlı kişini qatar vuraraq öldürüb. Hadisə dəmir yolu xəttinin Dondar Quşçu kəndi ərazisindən keçən hissəsində baş verib. Belə ki, hələlik şəxsiyyəti məlum olmayan orta yaşlı kişi hərəkətdə olan qatarın altında qalaraq ölüb. Hadisə yerinə hüquq-mühafizə orqanlarının əməkdaşları cəlb olunub. Meyit muayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Tovuz rayon şöbəsinə yerləşdirilib. Faktla bağlı araşdırmalara başlanılıb.