Tovuzda yol qəzası: 2 yaralı

Tovuz rayonunda 2 nəfərin xəsarət alması ilə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə rayonun Öysüzlü kəndində qeydə alınıb. Belə ki, "VAZ-2106" markalı avtomobillə "VAZ-21015" markalı minik maşınının toqquşması nəticəsində Qazax rayon sakini Tofiq Musa oğlu İbrahim və Tovuz rayon sakini Ədalət Xankişi oğlu İbrahimov müxtəlif bədən xəsarətləri alıb. Onların hər ikisi xəstəxanaya aparılıb. Faktla bağlı araşdırma aparılır.