Xarici zəvvarları aparan avtobus aşdı: 53 yaralı var

Qəzvin-Zəncan yolunda xarici vətəndaşları aparan avtobus aşıb. Avtosfer.az salamnews-a istinadən xəbər verir ki, bu barədə İranın Təcili Tibbi Yadım İdarəsi məlumat verib. Bildirilib ki, ötən gecə Qəzvin-Zəncan yolunun Takistan bölgəsi hissəsində 56 xarici vətəndaşın olduğu avtobus yoldan çıxaraq aşıb. Əlavə edilib ki, hadisə nəticəsində 54 nəfər xəstəxanalara aparılıb. Avtobus Urmiyadan Vəramin istiqamətdə hərəkət edirmiş. İlkin məlumata görə hadisə sürücünün diqqətsizliyi ucbatından baş verib və avtobus yol kənarına çıxaraq aşıb.