Yük maşını çaya düşdü: 7 yaralı

Türkiyənin Kayseri vilayətində Azərbaycan seriyalı “99-AZ-285” dövlət qeydiyyat nişanlı yük avtomobili qəzaya uğrayıb. Avtosfer.az-ın Trend-ə istinadən məlumatına görə, avtomobil 15 metr yüksəklikdən Kızılırmak çayına düşüb. Qəzada eyni zamanda dörd avtomobilə ziyan dəyib. Hadisə nəticəsində ümumilikdə 7 nəfər yaralanıb. Onların şəhər xəstəxanasına çatdırıldığı, vəziyyətlərinin normal olduğu bildirilir. Yol-nəqliyyat hadisəsinin hansı səbəbdən baş verdiyi araşdırılır.